म हिँड्दै छु, गन्तव्य मेरो मृत्यु

म हिँड्दै छु, गन्तव्य मेरो मृत्यु,

मृत्युबाट भाग्दै,

कहिले लुक्दै कहिले लड्दै

म हिँड्दै छु, मृत्युलाई भेट्न

भ्रममा छु, ठुलो भ्रममा

कहिले अस्पतालमा अलिकति समय किन्छु,

कहिले मदिरा पसलमा अलिकति मृत्यु किन्छु

थाहा छैन मेरो तराजुमा

समय धेरै छ कि मृत्यु ?

तर मलाई थाहा छ म हिँड्दै छु, गन्तव्य मेरो मृत्यु

यो गन्तव्य मैले रोजेको होइन

आमाको गर्भ देखी निर्धारित नै छ

मेरो मात्र होइन, तिम्रो, तिम्रो अनि तिम्रो 

अनि हामी सबैको गन्तव्य निश्चित छ । । ।